Lírica grega, Poemas galegos

A Safo de idade máis avanzada.

Como sinala M.L.West en “The New Sappho”, o de Titono é só un dos poemas nos que Safo se refire a ela mesma como una persoa maior. Outros son frr.21 V., 24 V. e 121 V.

O fr.21 V. ten outro metro (estrofa sáfica), mais o v.6 remata do mesmo xeito que o v.3 no poema de Titono (fr.58 V.): ]χρόα γῆρας ἢδη.

Así traduciu estes fragmentos o poeta e tradutor galego Raúl Gómez Pato (o salientado é meu);

 XIV

(21 V.)


…conseguiu…
…lamento…
…trementes…

xa por completo a vellez múrchame a pel
…invádeme a mente
…voa perseguindo

                             …da brillante
…tomando
a lira de doce voz canta para nós
a ela, a de colo de violetas

                                 …sobre todo
…sobre a terra marche vagando

No anterior poema, ademais da repetición dese verso no que se describe que a pel da poeta non é a mesma que anos atrás, dáse tamén o seguinte paralelismo: fr.21.13 τὰν ιόκολπον (sintagma que colma una lagoa entre outras partes perdidas por accidente material) que Raúl Gómez Pato recolle como “a de colo de violetas” e fr.58.1 ιοκόλπων que eu recollía na miña tradución como “de seos de violetas”.

XVII

(24 V.)

a

                      …
…recordaredes…
así tamén nós na xuventude
     estas cousas faciamos;

moitas e fermosas cousas pois
…cidade…


XCVIII

(121 V.)

aínda que sexas o meu amigo, procura un leito máis novo;
pois, eu, que son máis vella, non soportaría vivir contigo

[para referirme aos fragmentos de Safo emprego, como fai Raúl Gómez Pato (en Cantos e Fragmentos (2008), Santiago de Compostela: Edicións Positivas), o número arábigo e a inicial V. que fai referencia á edición de Eva-María Voigt: Sappho et Alcaeus, Fragmenta (1971), Amsterdam: Atheanum-Polak & van Gennep. Antes das traducións ao galego emprego, pola contra, o número romano que remite á ordenación dos fragmentos na edición de Raúl Gómez Pato].

Anuncios
Estándar

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s